ᐱᓇᓱᐊᕐᑕᐅᔪᓂ ᑐᓴᕐᑎᓯᒍᑏᑦ
1) ᐅᓄᕐᓯᒋᐊᕐᑕᐅᓂᖏᑦ ᐱᓇᓱᐊᕐᑕᐅᒍᓪᓗᓲᑦ
ᖃᓂᒻᒪᓇᖃᓕᕐᑎᓗᒍ Covid-19 ᐱᓇᓱᑦᑐᓕᕆᕕᒃᑯᑦ ᐱᕕᑦᓴᖃᕐᑎᓯᒍᒪᔪ ᓄᓇᕕᒻᒥᐅᓂ ᐃᓕᓐᓂᐊᑎᓂ ᓄᓇᕕᒻᒥᐅᓂᓗ;
- ᐱᕙᓪᓕᕈᑎᑦᓴᓂ ᓱᖃᑦᓯᑎᑦᓯᒍᑏᑦ ᐅᓄᕐᓯᒋᐊᕐᑕᐅᓯᒪᔪᑦ ᐃᓗᐃᑦᑐᒥᑦ 100% (ᕿᑎᕐᖃᑐᐃᓐᓇᖓᓂᐅᖏᑐ 50%), ᑫᕙᓪᓚᒍᓯᓕᒫᒥ ᑮᓇᐅᑦᔭᓴᒐᔭᕐᓗᑎᑦ $15/hour, ᐱᓇᓱᐊᕐᑕᐅᒋᐊᓕᓐᓂ ᒪᓕᓪᓗᑎᑦ;
- ᐱᓇᓱᐊᕐᑕᐅᒍᓪᓗᓲᑦ ᑮᓇᐅᔭᖃᕐᑎᑕᐅᑦᓯᐊᒪᑕ 100%, ᑫᕙᓪᓚᒍᓯᓕᒫ $20-ᓂ ᐊᑭᓕᕐᑐᑕᐅᒍᓐᓇᒐᔭᕐᒥᔪᑦ.
- ᑮᓇᐅᔭᖃᕐᑎᑕᐅᓂᖓᑕ ᓂᖏᕋᑦᓴᓂ ᒪᑯᐊ ᐅᓪᓗᐃᑦ ᐊᑯᓐᓂᖏᓐᓂ ᐁᕆᓕ 1, 2020 ᐃᓱᓕᓐᓂᖃᕐᓗᓂ ᒫᑦᔨ 31, 2021ᖑᓕᑐᐊᕐᐸᑦ.
2) ᐅᓄᕐᓯᒋᐊᕐᑕᐅᓂᖏ ᑎᒥᐅᔪᐃᑦ ᖄᖏᕐᓂᑯᓕᐅᓲᖑᖏᑐᑦ
ᑐᖕᖓᕕᕐᑐᐃᓯᐊᖁᒧ ᓄᓇᕕᒻᒥ ᑎᒥᐅᔪᓂ ᐱᓇᓱᑦᑐᓕᕆᕕᒃᑯᑦ ᓂᖏᕐᕕᐅᒍᓐᓇᒐᔭᕐᑐ ᑮᓇᐅᔭᓂᑦ ᐱᓇᓱᒐᑦᓴᓂ ᓄᐃᑦᓯᐸᓪᓕᐊᖁᔨᒧ ᓄᓇᕐᖃᑎᒌᑦ ᐱᕙᓪᓕᖁᑎᑦᓴᓂ ᐃᓅᖃᑭᒌᑦᓯᐊᓂᕐᒨᓕᖓᔪᓂ. ᐃᓚᒌᑦ ᓱᖃᑦᓯᑎᑕᐅᓂᖏᓅᓕᖓᒍᓐᓇᑐᑦ, ᐃᓅᓱᑦᓱᐃᓗ ᐃᓪᓗᖁᑎᖓᓅᓕᖓᒍᓐᓇᒥᑦᓱᑎ, ᐊᓂᕐᕋᖃᖏᑐᐃᓪᓗ ᑐᔪᕐᒥᐅᕕᖓᓅᒍᓐᓇᒥᑦᓱᑎ, ᐃᓄᐃᓪᓗ ᑎᒥᐅᔪᖁᑎᖏᓐᓄᓕᖓᒍᓐᓇᕕᖃᕐᒥᔪ, ᐊᕐᓀ ᑲᑎᖕᖓᔨᐅᕕᖏᒐᓴ, ᐃᓅᓱᑦᓱᐃᓗ ᑲᑎᖕᖓᔨᖁᑎᒐᓴᖏᑦ ᐱᓇᓱᒐᑦᓴᓂ ᓄᐃᑦᓯᐸᓪᓕᐊᒍᓐᓇᓗᑎᑦ.
ᓄᓇᓕᒻᒨᓕᖓᔪᑦᓴᓂ ᑎᒥᐅᔪᓄ ᑐᑦᓯᕋᐅᑎᓕᐅᕐᑐᑦ ᖃᓄᐃᓕᖓᒋᐊᖃᕐᓂᖏᑦ
ᖃᓄᓪᓗᐊᑎᒋ, ᐊᕐᕌᒍᓕᒫᕐᓯᐅᑎᖓ ᑮᓇᐅᔭᖃᕐᑎᑕᐅᓂᖓᑕ (ᐁᕆᓕ 1 -ᒥᑦ ᒫᑦᔨ 31-ᒧᑦ), ᓱᖃᑦᓯᑎᑦᓯᖄᓚᐅᕐᓇᓯ ᑐᑦᓯᕋᐅᑎᓕᐅᒋᐊᖃᒐᔭᕐᑐᓯ.
- ᐊᑭᓕᕐᑐᑕᐅᓃᑦ ᖃᑦᓯᕌᕐᓂᖓ, ᐊᕐᕌᒍᓂ ᒪᕐᕉᓂ ᐃᓗᐃᑦᑑᒐᔭᕐᑐ 100% ᐱᓇᓱᒐ ᓄᑖᑦ ᐱᓇᓱᐊᕈᓯᕐᓂ 52 40 ᑫᕙᓪᓚᒍᓯᖏ/ᐱᓇᓱᐊᕈᓯᓕᒫ, ᐊᑭᓕᕐᑐᑕᐅᓗᓂ $20/ᑫᕙᓪᓚᒍᓯᓕᒫ
- ᐊᑭᓕᕐᑐᑕᐅᓃᑦ ᖃᑦᓯᕌᕐᓂᖓ, ᒪᕐᕉ ᐊᕐᕋᒎ ᐊᓂᒍᕐᐸᑕ ᐊᓯᖓᓂ ᐱᓇᓱᒐᑦᓴᒥ ᓄᐃᑦᓯᐸᑕ (156 ᐱᓇᓱᐊᕈᓯᕐᓂ), 60% (ᐊᕐᕌᒍᓂ-3), 50% (ᐊᕐᕌᒍᓂ-4) ᐊᓱᐃᓛ 40% ᑭᖑᓪᓕᐹᖓᓂ ᐊᕐᕌᒍᒥ
- ᐱᓇᓱᐊᕐᑕᐅᓚᕆᒋᐊᓖᑦ ᐊᑭᓕᕐᑐᑕᐅᓂᕆᒋᐊᖃᓲᖏᑦ (MERC), ᑭᓇᐅᑦᔭᓵᖏᑦ ᐋᕐᕿᑕᐅᓯᒪᒌᕆᐊᖃᕋᔭᕐᑐ ᐱᓇᓱᒐᕐᑖᑎᑦᓯᔪᒧᑦ, ᑲᕙᒪᑐᖃᒃᑯᑦ ᑯᐯᓗ ᑯᕙᒪᖓᓄ ᐋᕐᕿᑕᐅᓯᒪᔪᒥᑦ (16.5%)
- ᐸᕐᓀᓂ ᐃᓕᓐᓂᐊᑎᑦᓯᒐᔭᕐᑐᒥ ᐱᓇᓱᒐᕐᒥ ᐃᓗᐃᑦᑐᒥ ᐊᑭᓕᕐᑕᐅᒋᐊᖃᒐᔭᕐᑐ 100% ᑐᖕᖓᕕᒋᓗᒋᑦ ᓂᕆᐅᒋᔭᐅᓂᖏᑦᑕ ᑐᑦᓯᕋᐅᑎᓕᐅᕈᑎᓂ (ᐱᓇᓱᖃᑎᒥᓄ ᐃᓕᓴᕐᑕᐅᒍᓐᓇᒥᔪ)
- ᐱᐅᓕᓂᐊᒐᕐᑕᖏᑦᑕ ᓂᐅᕕᕐᑕᐅᒍᓐᓇᓂᖏᑦ, ᐱᐅᓕᓂᐊᒐᒻᒪᕆᐅᖏᑐᓂ ᐊᓪᓚᕕᒻᒥ ᑭᖕᖒᒪᒋᔭᐅᔪᓂ ᓂᐅᕕᕈᓐᓇᑐ
- ᐃᓕᓭᒍᑏᑦ ᐱᐅᓕᓂᐊᒐᕐᑕᖏᑦ, ᐱᓇᓱᒐᕐᒥ ᐃᓕᓴᕈᑎᑦᓴᓂ. ᖃᓄᐃᓕᖓᒐᔭᕐᓂᖓᓂ ᐱᓇᓱᒐᐅᑉ ᐊᓪᓚᓯᒪᔪᕐᑕᖃᒍᓐᓇᑐ (HR ᐱᓇᓱᒐᓕᕆᔨᒃᑯᑦ ᐱᔭᑦᓴᖓ ᑖᓐᓇ, ᖃᓄ ᐱᓇᓱᐊᕐᑕᐅᒐᔭᕐᒪᖔ, ᐃᓄᒃᑎᑑᓕᕐᑎᒋᐊᖃᕐᐸᑕ, ᖃᓪᓗᓈᑎᑐᓪᓗᓃ ᐅᐃᒌᑎᑐᓗᓃᑦ)
- ᐃᒡᓗᔪᐊᓂ ᐊᑦᑕᑐᑏᑦ ᐱᐅᓕᓂᐊᕐᒐᑕᕆᔭᐅᒋᐊᓕᓐᓂᓗᓐᓃᑦ
- ᖃᖓᑦᑕᐅᑏ, ᓯᓂᑦᑕᕖᑦ ᓂᕆᒍᑏᓪᓗ, ᐱᓇᓱᒐᕐᒨᓕᖓᔪᓂ
- ᐊᓯᒋᒻᒥᔭᖏᑦ ᑮᓇᐅᔭᕐᑐᕈᑏᑦ, ᐃᓄᒻᒪᕆᓂ ᐊᑭᓕᕐᑐᐃᓂ ᑲᑎᕕ ᓄᓇᓕᓕᒫᑦ ᑲᕙᒪᖓᑕ ᑐᖕᖓᕕᖓ.
______________________________________________________
ᐱᓇᓱᐊᕐᑕᐅᔪᓂ ᐊᐱᕐᓲᑎᖃᑦᓴᓂᕈᑦᓯ ᐊᑕᓐᓂᐅᕕᐅᖃᑦᑕᒍᓐᓇᑐᑦ
ᑌᒣᒐᓗᐊᕐᑎᓗᒍ, ᓄᓇᕕᒻᒥ ᑎᒥᐅᔪᐃᑦ ᓇᒥᓂᓗ ᐱᓇᓱᐊᓲᑦ ᓴᐳᒻᒥᔭᐅᒋᐊᖃᑦᓴᓂᕐᐸᑕ ᐃᑲᔪᕐᓯᔭᐅᓗᑎᑦ ᐱᓇᓱᑦᑐᓕᕆᕕᒃᑯᓄ. ᐊᑕᓐᓂᐅᕕᐅᖃᑦᑕᒍᓐᓇᑐ SED’s Programs Section ᖃᓄᕐᑑᕈᑎᑦᓴᓂ ᐱᓇᓱᐊᕐᑕᐅᒍᓐᓇᑐᓂ. ᐊᐱᕐᓲᑎᖃᑦᓴᖃᕐᓂᕈᑦᓯ ᖃᕆᑕᐅᔭᕐᑎᒍ ᓯᓚᑎᖓ: etprograms@krg.ca.
ᐳᑦᔨ ᓵᓐᑕ ᐊᒡᒍᑐᐃᓲᖑᒻᒪ ᑐᕌᒐᕆᒋᐊᓕᖏᓐᓄ ᐁᑎᑦᓯᓱᓂ, ᐅᑎᕐᕕᖃᖃᑦᑕᓱᓂ ᑲᔪᓯᑎᑕᐅᒋᐊᓖᑦ ᐱᓇᓱᐊᕐᑕᐅᓯᐊᒐᓗᐊᕐᒪᖔᑕ 2013-ᖑᓕᕐᓂᒪᓐᓂ ᐱᓇᓱᐊᕐᑎᖁᑎᕗᑦ ᐳᑦᔨ. ᑲᑎᕕᒃ ᓄᓇᓕᓕᒫᑦ ᑲᕙᒪᖓᓂ ᐱᓇᓱᑦᑎᒋᓕᕐᑕᕗᑦ ᐊᕙᑎᓗ ᐊᑕᐅᓯᕐᓗᓂ ᐊᕐᕌᒍᓂ 21. ᑕᑎᒋᒐᑦᓴᓚᕆᐅᑦᓱᓂᓗ ᐊᑯᓂ ᐱᓇᓱᑦᑎᐅᓕᕋᒥ ᐱᓇᓱᐊᕐᑕᐅᒋᐊᓖᑦ ᖃᓄᐃᓘᕐᑕᐅᒋᐊᖃᕐᓂᖏᓐᓂ ᖃᐅᔨᒪᔨᒻᒪᕆᒋᔭᐅᑦᓱᓂ.