ᐃᓱᒪ, ᐱᓇᓱᐊᖃᑎᒋᓲᒥᓂᒃ ᐃᓚᖃᕐᓱᓂ ᐊᑐᐃᓐᓇᕈᕐᑎᑐᖅ ᓴᕐᕿᑎᑦᓯᓛᕐᓱᓂ ᐱᖓᓲᔪᕐᑑᒍᑎᒋᓕᕐᑕᖓᓂᒃ ᓄᓇᕕᒻᒥ ᐃᓕᓐᓂᐊᓂᕐᒥᒃ ᐊᔪᐃᓐᓇᕈᕐᑎᖃᕐᓂᒧᑦ ᓇᓪᓕᐅᓂᕐᓯᐅᓂᕐᒥᒃ (SPD 2021), ᐊᑑᑎᓛᕐᑐᖅ ᓄᓇᕕᓕᒫᒥ ᕕᕗᐊᕆ 15-ᒥᑦ 19-ᒧᑦ, 2021-ᒥ.
ᐃᓕᓐᓂᐊᓂᕐᒥᒃ ᐊᔪᐃᓐᓇᕈᕐᑎᖃᕐᓂᒧᑦ ᓇᓪᓕᐅᓂᕐᓯᐅᓂᖅ ᖃᐅᔨᓴᕆᓂᐅᓲᖅ ᑫᓪᓚᑐᐃᒍᑎᐅᑦᓱᓂ ᐊᖓᔪᕐᖄᕆᔭᐅᔪᓂᒃ, ᐱᓇᓱᐊᕐᕕᐅᔪᓂᒃ ᓄᓇᓕᓐᓂᓗ ᓴᐳᒻᒥᖁᑦᓱᒋᑦ ᐃᓕᓐᓂᐊᓂᒃᑯᑦ ᐱᒋᐅᑦᓯᐊᓂᕐᒥᒃ. ᐃᓕᓐᓂᐊᑎᖁᑎᑦᑎᓂᒃ ᓴᐳᒻᒥᒐᓱᐊᒻᒪᕆᒋᐊᖃᕋᑦᑕ ᐃᓕᓐᓂᐊᓂᕐᒥᒍᑦ ᐱᒐᓱᐊᑦᓯᐊᖁᓪᓗᒋᑦ.
ᐅᑯᐊ ᑕᒡᒐᓂ ᐊᕐᕌᒍᐃ ᐃᓕᓐᓂᐊᓂᕐᒥᒃ ᐊᔪᐃᓐᓇᕈᑎᕐᖃᕐᓂᑎᓐᓂ ᐊᑑᑎᖃᑦᑕᓂᐊᕐᑐᑦ:
- ᐃᓱᒪ ᓄᓇᕕᒻᒥᐅᓕᒫᓄᑦ ᐊᓪᓚᑕᕐᕕᑎᒍᑦ ᐊᐅᓪᓚᑎᑦᓯᓛᕐᑐᖅ ᓂᐱᑎᒐᕐᓂᒃ. ᑖᓐᓇ ᓂᐱᑎᒐᖅ ᓇᒧᑐᐃᓐᓇᓯᐊᖅ ᓂᐱᑎᑕᐅᒍᓐᓇᑐᖅ ᐲᕐᑕᐅᓯᐊᕈᓐᓇᓱᓂᓗ. ᐃᓚᐅᑦᓯᐊᓛᖁᔨᕗᒍᑦ ᐅᕕᒐᕐᑐᖁᑎᑦᑎᓂᒃ ᑐᓴᐅᒪᑎᑦᓯᖃᑎᒌᓪᓗᑕ ᓴᐳᒻᒥᓂᑦᑎᓂᒃ ᓄᓇᓕᑦᑎᒍᑦ ᑖᒃᑯᐊ ᓂᐱᑎᒉᑦ ᑕᑯᑦᓴᐅᑎᓪᓗᒋᑦ.
- ᐃᓕᓐᓂᐊᕕᓕᒫᑦ ᑎᑭᑎᑦᓯᕕᐅᓛᕐᒥᔪᑦ 2021-ᒥ ᐃᓕᓐᓂᐊᓂᕐᒥᒃ ᐊᔪᐃᓐᓇᕈᑎᖃᕐᓂᒧᑦ ᐱᒍᒪᓕᕐᓭᒍᑎᓂᒃ ᑐᓐᓂᖑᐊᑦ, ᒥᓖᑦ, ᓇᓭᑦ ᐊᓪᓚᕕᑦᓭᓗ ᐱᓇᓱᑦᑎᓄᑦ ᐃᓕᓐᓂᐊᑎᓄᓪᓗ ᐁᑦᑐᑑᑎᑦᓴᐅᑎᓪᓗᒋᑦ ᐅᑭᐅᖏᑦ ᒪᓕᓪᓗᒋᑦ.
- ᓄᓇᓖᑦ ᑲᕙᒫᐱᖏᑦ ᐊᑐᐃᓐᓇᐅᑎᑦᓯᓛᕐᒥᔪᑦ ᐃᓱᒪᒃᑯᑦ ᑮᓇᐅᔭᖁᑎᖏᓐᓂᒃ ᐊᑐᕐᑕᐅᒍᓐᓇᑐᓂᒃ ᓄᓇᓕᒻᒥ ᐱᓇᓱᐊᕐᑎᓯᒍᑎᐅᒐᔭᕐᑐᓂᒃ ᓇᓪᓕᐅᓂᕐᓯᐅᕈᑎᖃᕐᓂᒧᑦ ᐱᒋᐅᕐᓂᒥᒃ ᓴᐱᓕᑐᐃᓐᓇᖃᑦᑕᖏᓐᓂᒥᓪᓗ ᓄᓇᓕᒻᒥᐅᓂ.
- ᖃᐅᔨᒪᒐᓱᐊᖃᑦᑕᓚᖓᕗᓯ ᐃᓱᒪᒃᑯᑦ ᑕᑯᑦᓴᐅᑎᑕᖏᓐᓂᒃ ᐊᑐᕐᑕᐅᒍᓐᓇᑐᓂᒃ ᐃᓕᓐᓂᐊᓂᕐᒥᒃ ᐊᔪᐃᓐᓇᓂᐅᑉ ᓇᓪᓕᐅᓂᕐᓯᐅᑕᐅᓂᖓᓂ. Facebook-ᑯᑦ ᐱᐅᑦᓴᓂᕋᖃᑦᑕᓂᐊᕐᖁᓯ!
Facebook-ᑯᑦ ᑕᑯᒋᐊᖃᑦᑕᓂᐊᕐᖁᓯ!
ᐃᓱᒪ ᐱᓇᓱᐊᖃᑎᒌᑦᑐᑦ