ABCᒫᑦᔨ 2020-ᒥᓂᑦ, ᐱᔪᓐᓇᖁᖓ ᐱᓇᓱᑦᑏᑦ ᐊᑐᐃᓐᓇᕈᕐᑎᕆᓯᒪᖃᑦᑕᑐᑦ ᖃᓂᖕᖏᑐᒦᓪᓗᑎᒃ ᐱᓇᓱᒍᑎᑦᓴᒥᓂᒃ. ᑕᒪᑐᒪ ᐱᓇᓱᐊᕐᑕᐅᓂᖓ ᐊᐅᓚᑕᐅᓲᖑᒻᒪᑦ ᒪᓐᑐᕆᐊᓪᒥᑦ ᑲᔪᓯᑦᓯᐊᕈᓐᓇᓚᐅᕐᑐᖅ. ᑌᒣᒐᓗᐊᕐᑎᓗᒍ, ᐊᐅᓪᓚᑲᑕᑦᑎᑕᐅᑦᑌᓕᓂᖅ ᓄᓇᕕᒻᒥ ᐊᑑᑎᑎᓪᓗᒍ ᐱᓀᓗᑦᓯᒍᑎᐅᖃᑦᑕᑐᖅ, ᐱᓇᓱᑦᑎᓴᕐᓯᐅᕈᓐᓇᖃᑦᑕᖏᓐᓇᑕ ᑕᒃᑯᒧᑦ ᐱᒋᐅᕐᓴᑎᑦᓯᒍᓐᓇᓇᑕᓗ. ᑲᑎᒪᑦᓯᒍᓐᓇᕋᑕᓗ ᐊᓯᖏᓐᓂᒃ ᑎᒥᐅᔪᓂᒃ ᐱᓇᓱᕝᕕᐅᖃᑦᑕᕈᓐᓇᑐᓂᒃ ᐱᒋᐅᕐᓴᔨᐊᑦᑎᓄᑦ. ᓄᕙᓐᓇᖅ 19 ᐱᑦᔪᑎᒋᑦᓱᒍ ᐱᔭᕐᑑᖃᑦᑕᑐᖅ ᐱᒋᐅᕐᓴᔨᐊᑦᑎᓄᑦ ᑖᒃᑯᐊ ᐊᓪᓚᕕᒻᒦᓗᑎᒃ ᐱᓇᓱᖃᑦᑕᕆᐊᖃᕐᓱᑎᒃ ᐃᑲᔪᕐᑕᐅᓗᑎᒃ ᐱᓇᓱᑦᑎᐅᒌᕐᑐᓄᑦ ᑌᒣᒍᓐᓇᖃᑦᑕᖏᒻᒪᑕ, ᓄᑖᓂᓪᓗ ᐱᒋᐅᕐᓴᔭᐅᒐᔭᕐᑐᓂᒃ ᐱᒋᐊᕐᑎᓯᒍᓐᓴᕋᑕ. ᑕᒪᓐᓇ ᐊᑑᑎᒍᓐᓇᖃᑦᑕᖏᑦᑐᖅ ᖃᓂᒻᒪᐅᑎᓪᓗᒋᑦ, ᐃᓕᓐᓂᐊᑎᑦᓯᔨᖏᑦ ᐊᓂᕐᕋᓯᒪᑦᓱᑎᒃ ᐱᓇᓱᖃᑦᑕᒪᑕ ᐅᕝᕙᓗᓗᓐᓃᑦ ᐊᓪᓚᕕᒻᒦᒐᓗᐊᕋᒥᒃ ᒪᓕᒐᖃᕐᓱᑎᒃ ᖃᓂᑕᕇᒋᐊᖃᖕᖏᓂᕐᒥᒃ ᓴᓗᒪᒐᓱᐊᕈᑎᒋᐊᓪᓓᓗ ᐊᑕᐅᓯᕐᒥᒃ ᐃᓄᒻᒥᒃ ᐃᓚᒋᐊᑐᐊᕋᒥᒃ ᐊᑐᕐᑕᐅᖃᑦᑕᕆᐊᖃᕐᒪᑕ. ᑕᒪᒃᑯᐊᖑᒐᓗᐊᕐᑎᓗᒋᑦ, ᐱᔪᓐᓇᖁᖓ ᐱᓇᓱᑦᑎᖏᑦ ᐱᓇᓱᒍᓐᓇᖃᑦᑕᑐᖅ ᐃᓱᒪᒐᓱᒋᐊᖃᕐᓱᑎᒃ ᐊᑦᔨᐅᖏᑦᑑᑎᓪᓗᒍ ᖃᓂᒻᒪᐅᓂᖏᓐᓂ ᐊᑑᑎᔭᐅᓂᐊᕐᑐᓂᒃ.
ᐱᒍᓐᓇᓯᑦᓯᐊᑕᑦᑕ ᐃᓚᖓᑦ ᐊᑑᑎᓚᐅᔪᔪᖅ ᓅᕕᒻᐱᕆ 2020-ᖑᑎᓪᓗᒍ, ᐱᔪᓐᓇᖁᖓ ᐱᓇᓱᑦᑏᑦ ᐱᒋᐅᕐᓴᑎᑦᓯᒍᓐᓇᓯᓚᐅᔪᒻᒪᑕ ᖃᓪᓗᓈᑦ ᓄᓇᖓᓐᓂ, ᒪᓐᑐᕆᐊᓪᒥ, ᓴᓗᒪᒐᓱᐊᕈᑎᐅᒋᐊᓖᑦ ᐊᑐᕐᑕᐅᓯᐊᕐᑎᓗᒋᑦ. ᐃᕕᕐᑎᕕᒻᒥ ᐃᓕᓐᓂᐊᑎᑦᓯᓚᐅᔪᔪᑦ ᖃᓂᑕᕇᒌᒃᑯᑎᐅᒋᐊᓖᑦ ᐋᕐᕿᑕᐅᓯᒪᑦᓯᐊᑎᓪᓗᒋᑦ (ᒪᕐᕉᓅᑦ ᓱᕐᖄᑎᕈᑏᓐᓄ ᖃᓂᖕᖏᑕᕇᓐᓂᖅ ᐃᒐᓛᖑᔦᓪᓘᓃᑦ). ᑕᒡᒐᓂ ᐃᓕᓐᓂᐊᑎᑕᐅᓂᕐᒥ ᐊᒥᓱᑦ ᐋᕐᕿᒋᐊᕆᐊᖃᖃᑦᑕᓚᐅᕐᑐᑦ; ᓱᖃᑦᓯᒍᑎᑕᕆᔭᐅᓲᑦ ᐃᓕᓐᓂᐊᑎᑦᓯᒍᑎᓄᑦ ᖃᓂᑕᕇᒋᐊᖃᖕᖏᓂᑯᖏᓐᓄᑦ ᐃᓘᓐᓇᑎᒃ ᐋᕐᕿᒋᐊᕐᑕᐅᓯᒪᒋᐊᖃᓚᐅᔪᑦ. ᑕᒪᑐᒪ ᐊᑑᑎᔭᐅᓂᖓ ᑲᔪᓯᑦᓯᐊᓚᐅᔪᖅ ᓯᑕᒪᐅᔪᖕᖏᒐᕐᑐᑦ ᐃᓕᓐᓂᐊᕈᒪᓯᒪᓚᐅᔪᑦ (ᓂᕆᐅᒋᔭᑦᑕ ᐅᖓᑖᓄᑦ) ᐱᖓᓲᔪᕐᑐᑦ ᐃᓕᓐᓂᐊᓚᐅᔪᔪᑦ ᓯᑕᒪᑦ ᐱᔭᕇᕐᑎᓗᒋᑦ. ᑭᖑᓪᓕᒥ ᓄᓇᕕᒻᒥᐅᓂᒃ ᐃᓕᓐᓂᐊᑎᑦᓯᓂᕆᓛᓕᕐᒥᔭᕗᑦ ᖃᐅᔨᒪᕋᑕᖕᖏᓇᑦᑎᒍ ᖃᖓᐅᒐᔭᕐᒪᖔᑦ ᖃᓂᒪᓐᓚ6 ᐱᑦᔪᑎᒋᑦᓱᒍ ᓱᕐᖁᐃᓚᕆᑦᑐᓂᒃ ᐅᖃᕈᓐᓇᖏᑦᑐᒍᑦ.
ᐱᓇᓱᒐᕐᓂᒃ ᐱᒋᐅᕐᓴᔭᐅᖃᑦᑕᑐᑦ ᖃᓂᒪᓐᓇᖃᕐᓂᖓᓂ ᑭᖑᕙᕆᐊᕐᓯᒪᔪᑦ. ᐱᓇᓱᒋᐅᕐᓴᓂᐅᒋᐊᖃᓚᐅᔪᔪᑦ ᓄᓇᕕᒻᒥ ᐃᓗᓯᓕᕆᔨᒃᑯᓂ, ᓯᐱᓰᒃᑯᓂ ᐅᕕᒃᑲᓂᓪᓗ ᑭᖑᕙᕆᐊᕐᑕᐅᓯᒪᔪᑦ. ᑌᒣᒐᓗᐊᕐᑎᓗᒍ ᐊᐅᓪᓚᑲᑕᕐᖃᔭᖕᖏᑲᓗᐊᕐᓱᑎᒃ ᖃᓂᒪᓐᓇᖅ 19 ᐱᑦᔪᑕᐅᑎᓪᓗᒍ, ᐱᔪᓐᓇᖁᖓ ᐱᓇᓱᑦᑏᑦ ᐅᖄᓚᐅᑎᑎᒍᑦ ᑎᒥᐅᔪᓂᒃ ᐱᓇᓱᐊᖃᑎᖃᖃᑦᑕᑐᑦ ᐸᕐᓇᖃᑎᖃᕐᓱᑎᒃ ᐱᓇᓱᒐᕐᓂᒃ ᐱᒋᐅᕐᓴᓂᐅᒐᔭᕐᑐᓂᒃ, ᖃᐅᔨᒐᓱᐊᕐᓱᑎᓪᓗ ᖃᓂᒻᒪᓐᓇᖃᕐᑎᓗᒍ ᖃᓄᐃᓕᖓᑎᓪᓗᒋᑦ ᐱᒋᐅᕐᓴᕋᔭᕐᒪᖔᑕ.
ᐱᔪᓐᓇᖁᖔᒃᑯᑦ
ᐱᔪᓐᓇᖁᖓ ᐱᓇᓱᒐᕐᓂᒃ ᐱᒋᐅᕐᓴᑎᑦᓯᓂᖅ ᐃᓄᑐᐃᓐᓇᓂᒃ ᓄᓇᕕᒻᒥᐅᓂᒃ ᐱᒍᓐᓇᓯᑎᑦᓯᒍᑎᐅᒐᓱᐊᕐᑐᖅ ᐱᓇᓱᒋᐅᕐᓴᓂᕐᒥᒃ. ᐱᓇᓱᐊᕐᑎᓯᒍᑎᖃᓲᑦ ᐊᐱᕐᓱᖃᑦᑕᓱᑎᒃ, ᐱᒋᐅᕐᓴᑎᑦᓯᓱᑎᒃ, ᐊᑭᓕᕐᑐᑕᐅᑦᓱᑎᓪᓗ ᐱᓇᓱᒐᕐᒥᒃ ᐱᒋᐅᕐᓴᓱᑎᒃ ᐃᑲᔪᕐᑎᖃᕐᓱᑎᒃ ᓄᓇᕕᒻᒥ ᑎᒥᐅᔪᓂᒃ.