ᖃᕆᑕᐅᔭᒃᑯᑦ ᐱᒍᑦᔨᒍᑏᑦ
ᐊᕐᕌᓂᓂᑦ, ᐱᓇᓱᒐᖃᕐᑎᓯᓂᖅ ᓄᖑᑐᐃᓐᓇᑕᖕᖏᑐᓂᒃ ᐃᑲᔪᕐᓯᓯᒪᓲᖑᒻᒪᑦ ᑮᓇᐅᔭᑎᒍᑦ ᐱᓇᓱᒐᑦᓴᓯᐅᕐᓂᑯᓪᓗ Facebook-ᒥᒃ ᐊᑐᕐᓱᓂ ᐅᕙᓂ “@EmploymentServicesKRG”.
ᒪᓕᑦᑎᒋᓲᕗᑦ, ᐃᓚᓐᓈᕗᑦ, ᑐᑭᓯᒍᑎᑖᑦᓯᐊᕈᓐᓇᑐᑦ ᐊᔪᕿᒋᐊᕐᑕᐅᒍᑎᑖᕐᓗᑎᓪᓗ ᒪᑯᓂᖓ: ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᐱᓇᓱᒐᑦᓴᖏᓐᓂᒃ, ᓯᓚᑖᓃᑦᑐᓂᒃ ᐱᓇᓱᒐᑦᓴᓂᒃ, ᐱᒋᐅᕐᓴᑎᑦᓯᒍᑎᑦᓴᓂᒃ, ᑲᕙᒪᒃᑯᑦ ᐱᓇᓱᒍᓯᖏᓐᓂᒃ ᐊᓯᒋᐊᓪᓚᖏᓐᓂᓗ ᐊᒥᓱᓂᒃ.
ᑖᒃᑯᐊ ᒪᓕᒍᑦᓯᒋᑦ ᐱᐅᔫᒐᔭᕐᑐᖅ ᐃᓚᓐᓈᓯᓐᓄᑦ ᖃᑕᖕᖓᖑᑎᓯᓐᓄᓗ ᑕᑯᔭᐅᑎᖃᑦᑕᓗᒋᑦ. ᖃᕆᑕᐅᔭᕈᑎᒃᑯᑦ ᑕᑰᑎᓛᕐᖁᒍᑦ!!!
***
“ᐱᓇᓱᓐᓂᑯᑦ ᐱᕙᓪᓕᖁᑏᑦ” ᑐᓴᐅᒪᔭᐅᑎᑕᐅᓂᖓ
ᑕᕐᕿᐅᓚᐅᔪᔪᒥ ᐱᓇᓱᒐᖃᕐᑎᓯᓂᖅ ᓄᖑᑐᐃᓐᓇᑕᖕᖏᑐᓂᒃ ᐱᒍᑦᔨᕕᖓ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ, ᓴᕐᕿᑎᑦᓯᓚᐅᔪᔪᖅ “ᐱᓇᓱᓐᓂᑯᑦ ᐱᕙᓪᓕᖁᑏᑦ” ᑐᓴᐅᒪᔭᐅᑎᑦᓯᓂᕐᒥᑦ. ᑖᒃᑯᐊ ᑐᑭᓯᑎᑦᓯᒍᑏᑦ ᐱᓇᓱᒐᖃᕐᓗᓂ ᖃᓄᖅ ᐃᓅᓯᕐᒥᒃ ᐃᑲᔪᕐᓯᒪᒍᓐᓇᒪᖔᑕᑦ.
ᑮᓇᐅᑦᔭᓴᕐᓂᖅ: ᐱᖁᔭᑎᒎᑦᓯᐊᓱᓂ ᑮᓇᐅᔭᖃᕈᓐᓇᓂᖅ.
ᖃᓄᐃᑦᑐᒦᓐᓂᖅ: ᐱᓇᓱᒐᖃᕐᓂᑯᑦ ᐃᓅᖃᑎᒌᑎᒍᑦ ᐃᓕᑕᕆᔭᐅᓂᕐᑖᓲᖑᔪᒍᑦ.
ᐱᒋᐅᕐᓂᖅ: ᐱᓇᓱᐊᕐᓂᑯᑦ ᐱᒋᐅᖃᑦᑕᓲᖑᔪᒍᑦ ᐊᓯᑦᔩᒍᓐᓇᓱᑕᓗ ᑕᑯᓗᒋᑦ ᓄᐃᑕᕗᑦ. ᐱᒍᓐᓇᓂᑦᑎᓂᒃ ᑕᑯᔭᐅᑎᑦᓯᓱᑕ!
ᐱᕕᑦᓴᒥᒃ ᐃᓂᒥᓪᓗ ᐊᑐᑦᓯᐊᓂᖅ: ᐱᓇᓱᑐᐊᕋᑦᑕ ᐱᕕᑦᓴᑎᓐᓂᒃ ᐊᑐᑦᓯᐊᓂᕐᓴᐅᓲᖑᔪᒍᑦ ᐃᓂᑦᑎᓂᓪᓗ ᑎᒥᒃᑯᑦ ᐃᓱᒪᒃᑯᓗ.
ᐃᓚᐅᓂᖅ: ᐱᓇᓱᐊᕐᓂᑯᑦ ᓴᐳᒻᒥᖃᑎᒌᒍᓐᓇᑐᒍᑦ ᐃᓅᓯᑦᑎᓂ, ᕿᑐᕐᖏᐅᓂᖅ ᐆᑦᑐᕋᐅᑎᒋᓗᒍ, ᐃᑉᐱᓂᐊᕐᓂᑎᒍᑦ, ᐃᓅᖃᑎᒌᓐᓂᑎᒍᑦ ᑲᑐᑦᔨᖃᑎᒌᓐᓂᑯᓪᓗ
ᐃᓅᓯᕐᒥ ᑐᑭᖃᑦᓯᐊᓂᕐᓴᐅᓂᖅ: ᐱᓇᓱᒐᖃᕐᓱᓂ ᐃᓅᖃᑎᑦᑎᓂᒃ ᐃᑲᔪᕐᓯᒪᒍᓐᓇᑐᒍᑦ, ᑐᓂᔨᑦᓱᑕᓗ ᐃᓅᖃᑎᑦᑎᓄᑦ ᐱᕈᕐᐸᓕᐊᓂᑦᑎᓂ.
ᐃᓅᖃᑎᖃᕐᓂᖅ: ᐱᓇᓱᑦᑎᐅᑐᐊᕋᑦᑕ ᐃᓄᓐᓂᒃ ᑲᑎᓯᖃᑦᑕᓲᖑᔪᒍᑦ ᑕᑯᓚᐅᕐᓯᒪᓐᓂᖏᑦᑕᑎᓐᓂᒃ.
ᐃᓚᒌᑎᒍᑦ ᓄᑭᑖᕐᓂᖅ: ᐃᓚᑎᓐᓂᒃ ᓴᐳᒻᒥᓯᐊᕈᓐᓇᓂᕐᓴᐅᔪᑎᑦ ᐱᕐᖁᓯᑐᖃᕐᑎᒍᑦ ᐱᕐᖁᓯᑐᖃᐅᖕᖏᑑᒐᓗᐊᑎᒍᓪᓗ.
ᓇᒻᒥᓂᖅ ᐊᓯᓐᓂᓗᓐᓃᑦ ᖃᐅᔨᒪᒍᕕᑦ ᐱᓇᓱᒐᑦᓴᓯᐅᕐᑐᒥᒃ ᖃᐅᔨᒪᒍᕕᑦ, ᖃᐅᔨᒋᐊᕐᕕᐅᒍᓐᓇᑐᒍᑦ, ᐃᑲᔪᑦᓯᐊᕈᓐᓇᕋᑦᑕ ᐱᓇᓱᒐᕆᒍᒪᒐᔭᕐᑕᓂᒃ ᕿᓂᕐᓂ.