ᑖᓐᓇ ᓯᕗᓪᓕᐸᐅᑎᓪᓗᒍ “ᐅᓐᓂᑑᑎᕗᑦ,” ᐃᐊᕆᒃ ᐊᑕᒍᑦᑖᓗᒃ ᐱᓇᓱᐊᓲᒥᓂ ᐃᓅᓱᑦᑐᓂ ᐱᓇᓱᑦᑐᓕᕆᕕᒃᑯᓂ ᑐᑭᒧᐊᕐᑎᓯᔨᐅᓲᖑᑦᓱᓂ ᓄᓇᕕᐅᑉ ᐃᑎᕕᐊᓂ ᐱᒍᑦᔨᔨᐅᑦᓱᓂ. ᑲᑎᕕᒃ ᓄᓇᓕᓕᒫᑦ ᑲᕙᒪᖓᓂ ᐱᓇᓱᐊᕐᑎᐅᓕᕐᑐ ᐊᕙᑎᓗ ᐊᑕᐅᓯᕐᓗ ᐅᖓᑖᓂ. ᐱᓇᓱᑦᑐᓕᕆᕕᒃᑯᓂᒐᓴ ᐃᓄᒃᔪᐊᒥᐅᓂ ᐱᒍᑦᔨᔨᐅᒋᐊᖕᖓᓯᒪᑦᓱᓂ. ᑌᒣᒻᒪ, 2014-ᒥᓂ, ᐃᓂᖃᓲᖑᒻᒪᑦ ᐃᓅᓱᑦᑐᓂ ᐱᓇᓱᒐᑦᓴᓕᕆᔨᓐᓂ ᓄᓇᕕᒻᒥ ᑐᑭᒧᐊᑦᑎᓯᔨᐅᓯᒪᑦᓱᓂ, ᐱᓪᓗᑯᒋᐊᓕᓐᓂ ᑲᔪᓯᑎᑦᓯᔨᐅᑦᓱᓂ.
ᐃᐊᕆᒃ ᓄᓇᓕᓐᓄ ᑐᓂᓯᒪᑦᓯᐊᑐ ᐊᐅᓚᔪᓕᕆᓂᕐᒥ ᐊᕙᑎᑦᑎᓂ ᓱᔪᐃᑦᑌᓕᓂᕐᒥᒃ, ᐃᓐᓇᕕᒃᑯᓂ ᓇᐅᓕᓐᓂᓯᐊᕐᓯᑎᒻᒪᕆᑦᑎᑐ ᐱᓇᓱᐊᕐᑕᒥᓂ ᖃᕐᔪᖃᑦᓯᖃᓱᓂ ᐃᓐᓇᕕᒃᑯᓂ ᐊᐅᓚᔪᓕᕆᓂᕐᒥᑦ. ᐊᒥᓱᒻᒪᕆᓂ ᒥᓕᐊᓐᑖᓚᑐᕐᓂᐅᒐᔭᖕᖑᐊᑐᓂ ᐃᓄᒃᔪᐊᒥᐅᑦ ᐊᐅᓚᔪᑐᕐᓂᒋᕋᔭᕐᑕᖏᓐᓂ ᐊᕙᑎᓂ ᐊᕐᕌᒍᕐᑐᒐᔭᕐᑐ.
ᐱᓇᓱᑦᑐᓕᕆᕕᒃᑯᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓᓗ ᐊᓐᓀᒐᓗᐊᕐᓱᑎ ᐱᓇᓱᐊᑦᓯᐊᓯᑎᖁᑎᒥᓂ, ᐃᐊᕆᒃ ᐊᑯᓂ ᐱᓇᓱᑦᑎᖁᑎᒋᔭᐅᓯᒪᓕᕐᒪᑦ. ᐯᖕᖑᓚᖓᒐᓗᐊᕐᓗᑕ ᑖᓐᓇ ᐅᐱᒋᔭᕗᑦ ᓄᓈᒥ ᐱᓇᓱᐊᓚᖓᓯᒻᒥᒪᑦ ᐱᑐᕝᕕ ᓄᓇᒥ ᑎᒍᒥᐊᕐᑎᓂ.