ᐃᓅᓯᕐᒥᒍᑦ ᐃᑲᔪᕐᑕᐅᒍᑏᑦ ᓴᐳᒻᒥᔭᐅᒍᑏᓪᓗ ᐱᓇᓱᐊᕐᑕᐅᓂᖏᑦ (PAAS ᐱᓇᓱᐊᕐᓂᖅ) ᐃᕕᕐᑎᕕᒻᒥ
ᓯᑉᑎᒻᐱᕆ 2019-ᒥᓂᑦ, ᐃᕕᕐᑎᕕᒃ PAAS ᓴᐳᒻᒥᓯᒍᑎᓂᒃ ᐱᓇᓱᐊᕐᑕᒥᒃ ᐱᑕᖃᕐᑎᓯᓲᖑᓕᕐᑐᖅ ᑯᐯᒃ ᐱᒍᑦᔨᐅᑎᖏᑦ ᐃᑲᔪᕐᑎᒋᑦᓱᒋᑦ ᐊᑐᐃᓐᓇᐅᑎᑦᓱᒋᑦ ᐃᓄᑐᐃᓐᓇᓄᑦ ᐃᓚᐅᖃᑎᐅᓕᕐᑎᓯᒪᔪᓄᑦ ᐱᓇᓱᒐᑦᓴᓯᐅᕈᑎᓂᒃ ᐱᓇᓱᐊᕐᑕᒧᑦ ᐃᓚᐅᒍᓐᓇᕈᑎᒋᒋᐊᓕᖏᓐᓂᓪᓗ ᓈᒻᒪᓈᕆᓯᒪᑦᓯᐊᑐᓄᑦ.
ᐃᕕᕐᑎᕕᒃ 10-ᓄᑦ ᑎᑭᒍᓐᓇᑐᓂᒃ ᑖᑦᓱᒧᖓ ᐱᓇᓱᐊᕐᑕᒧᑦ ᐃᓚᐅᔪᓂᒃ ᐃᓂᖃᕐᑎᓯᒍᓐᓇᑐᖅ ᐊᕐᕌᒍᑕᒫᖅ. PAAS ᓴᐳᒻᒥᓯᒍᑎᓂᒃ ᐱᓇᓱᐊᕐᑕᐅᑉ ᑐᕌᒐᖓ ᐃᓄᒻᒨᓕᖓᔪᖅ ᑖᓐᓇᓴᑑᓕᕐᑎᓗᒍ-ᑮᓇᐅᔭᑎᒍᑦ ᐃᑲᔪᕐᓯᔭᐅᒍᑎᑖᕐᑐᕕᓂᕐᒧᑦ ᐊᒻᒪᓗ ᐱᓇᓱᕝᕕᓃᓚᐅᕐᓯᒪᒍᓐᓀᑐᒧᑦ ᐊᑯᓂ ᐱᓇᓱᒐᕐᑖᕈᓐᓇᓂᒃᑯᓗ ᐊᕝᕕᐊᓗᑕᖃᖃᑦᑕᓱᓂ.
ᑖᓐᓇ ᐱᓇᓱᐊᕐᑕᖅ ᐱᓇᓱᐊᕈᓯᑕᒫᖅ 20-ᓂᒃ ᑫᕙᓪᓚᒍᓯᓂᒃ ᓯᕕᑐᓂᖃᕐᓱᓂ ᖃᐅᔨᒪᔭᐅᑎᑦᓯᒐᓱᐊᕐᑐᖅ ᑐᖕᖓᓯᐊᕐᓂᒥᒃ, ᐃᒻᒥᓂᕐᓱᒍᓐᓇᓂᕐᒥᒃ, ᐃᓅᓯᕐᒥᒃ ᐱᐅᓯᑦᓯᐊᖃᕈᑎᓂᒃ ᐊᑐᕆᐊᕐᐸᓂᕐᒥᒃ, ᐃᓅᖃᑎᒌᑎᒍᑦ ᐱᓇᓱᒐᕐᑎᒍᓪᓗ ᐱᓇᓱᕝᕕᒥ ᐱᒃᑲᕆᑦᓯᒍᑎᑖᕐᐸᓕᐊᓂᕐᓂᒃ ᑌᒫᑦᓭᓇᕐᓗ ᓇᖕᒥᓂᖅ ᐃᓅᓯᕐᒥᓂ, ᐃᑲᔪᕐᓯᓱᓂ ᐃᓚᐅᔪᓂᒃ ᑎᑭᐅᑎᒍᓐᓇᑕᒥᓄᑦ ᑎᑭᒍᓐᓇᑎᑦᓱᒋᑦ.
ᑌᒃᑯᐊ ᐊᖏᕐᑕᐅᔪᑦ PAAS ᐱᓇᓱᐊᕐᑕᒧᑦ ᑕᕐᕿᑕᒫᖅ ᐃᓚᐅᓂᕐᒥᓄᑦ ᑮᓇᐅᔭᕐᑖᖃᑦᑕᓂᐊᕐᑐᑦ ᐊᑭᓕᕐᑕᐅᓗᑎᓗ ᐃᖏᕐᕋᓂᕐᒧᑦ ᐊᑭᕕᓃᑦ ᑕᐅᕐᑎᖏᓐᓂᒃ ᐱᓇᓱᒐᕐᒨᓕᖓᔪᓂᒃ ᐃᓚᐅᒋᐅᕐᓴᑎᑦᓯᒍᑎᓄᑦ ᐃᓚᐅᑎᓪᓗᒍ ᐊᑭᓕᕐᑐᑕᐅᖏᓐᓇᓱᓂ ᑖᓐᓇᓴᑑᓕᕐᑎᓗᒍ-ᑮᓇᐅᔭᕐᑎᒍᑦ ᐃᑲᔪᕐᑕᐅᒍᑎᒥᓂᒃ ᑯᐯᒃ ᐱᒍᑦᔨᐅᑎᒃᑯᖏᓐᓂᑦ.
ᐅᑯᐊ ᕌᐳᑦ ᒍᐃᑖᓗᒃᑑᑉ ᐅᖃᐅᓯᕕᓂᖏᑦ, ᐃᓄᑐᐃᓐᓇᖅ ᐃᓚᐅᖃᑎᐅᔪᖅ PAAS ᐱᓇᓱᐊᕐᑕᒧᑦ ᐃᕕᕐᑎᕕᒻᒥ:
« ᐃᕕᕐᑎᕕᒻᒧᑦ ᐁᒋᐊᒥ ᐊᓕᐊᒋᓲᕋ ᑲᑎᓯᒍᓐᓇᓲᖑᒐᒪ ᐃᓄᓐᓂᒃ ᓄᓇᕐᖃᑎᒋᓯᒪᔭᒃᑲᓂᒃ ᐊᒻᒪᓗ ᓴᓗᒻᒪᓭᒋᐊᒥ ᐊᓕᐊᓱᓪᓚᕆᑦᓱᖓ.
ᑕᒡᒍᖓᕋᒪ ᖁᕕᐊᓱᓐᓂᓴᕈᕐᐸᑐᖓ ᐊᒻᒪᓗ ᐅᕙᓐᓂᒃ ᓇᖕᒥᓂᖅ ᐃᓕᑦᓯᓕᐅᒥᑦᓱᖓ. ᓴᓗᒻᒪᓭᑦᓯᐊᓂᕐᓴᐅᒋᐊᒥᒃ ᐱᓇᓱᕝᕕᒥ ᐃᓕᑦᓯᓯᒪᓕᕐᑐᖓ, ᐊᓂᕐᕋᒥᒐᓴᓪᓗ. ᐊᓯᒃᑲᓂᒃ ᐃᑲᔪᕆᐊᒥ ᐊᓕᐊᒋᔭᖃᕐᑐᖓ. ᓴᓗᒻᒪᓭᓂᕐᒥ ᐱᓇᓱᒐᕐᒥᒃ ᐱᓇᓱᒐᕐᑖᕋᓱᕝᕕᓴᖃᕐᓂᕈᒪ, ᐱᓇᓱᒐᕐᑖᒐᓱᒍᒪᒐᔭᕐᑐᖓ.”
ᑐᑭᓯᒋᐊᓪᓚᒍᑎᑦᓴᓄᑦ ᐅᑯᐊ ᐅᖄᕕᒋᓗᒋᑦ:
